Fervenza

Moitos pasan a verte,

pero poucos se paran a escoitarte,

a oírte ruxir

entre as penedas que te senten sorrir.

Moitos te escollen como fondo,

pero poucos ollan a fondo

a beleza do lugar que te envolve

e te esconde.

Moitos te teñen como un lugar de paso,

pero poucos ven en ti un lugar máxico,

cheo de textura e de cor,

cheo de luz e misterio.

Moitos ven o verdear do teu entorno,

pero poucos contemplan os esqueletos que te rodean,

esqueletos que son o recordo dun día gris

e pouco feliz.