Cando a luz se apague,
asegúrate de levar o candil,
que che alume o camiño
en terra hostil.
Cando o camiño sexa complexo,
non esquezas de coller o bastón,
axudarache a manter o equilibrio
e a continuar con tesón.
Cando a andaina sexa longa,
que te acompañe o compás,
guiarate,
e nunca te perderás.
Cando o ruído te asoballe,
escoita unha canción,
volverás a ti
e escoitarás ao teu corazón.
Sé candil.
Sé bastón.
Sé compás.
Sé canción.
Sempre te encontrarás.
Pegadas na verea 