Esquecementos

Chegou ese momento,

no que deixas de ser,

sendo.

No que non te recoñeces,

non es a doutro tempo.

Non recoñeces o teu corpo,

que amosa novos segredos.

Non recoñeces os teus recordos,

que se escapan sen aviso previo.

Non recoñeces as túas palabras,

con interrogantes dunha vida

esquecida por momentos.

Recordos, que se están perdendo,

doutras estacións

previas a este inverno,

que se nos escapou

coma a auga entre os dedos.

Son coma os enxertos,

que deixan de brotar

e tornan secos.

Esquecen que son,

cales eran os seus desexos

e deixan de ser, 

sendo.