Apágase o día

Quedo co momento

no que o día se apaga,

os paxaros cantaruxan,

regresa a calma.

Apágase o día,

bícalle a noite a cara,

máis inda queda luz

para facerlle compaña.

Apágase o día,

o silencio fala,

e nese intre

hai encontros coa alma.

Apágase o día,

fai a lúa a chegada,

a dama da noite

luce as mellores galas.

Apagouse o día

prende a noite a chama,

vense os vagalumes,

os grilos cantan.