Cacharradas

Vía cacharros por todos lados,

e mesmo sentía con eles,

era algo inexplicable

e á vez asombroso.

Se poñía a lavadora

identificábase con ela,

e dáballe voltas a todo.

Se vía un microondas,

quentábaselle a cabeza.

Cando poñía ao lume a fritideira,

acababa frito consigo mesmo.

Á hora de poñer o lavalouzas,

cavilaba en como lavar as ideas.

Se collía a regadora,

parecíalle que estaba coma ela, 

e cada vez que acudía á neveira,

as ideas máis frías

asomaban na súa mente.

Cada cacharro era un sentir,

cada sentir era unha cacharrada.