Ousadía

Se cos teus ollos

acaricias os meus

percorres recunchos

inexplorados.

Espir cos ollos,

iso si é atreverse,

percorrer o iris

facer diana na pupila.

Perderse no mar,

nos prados,

no outono,

na noite.

Perderse

percorrendo o refuxio

no que residen as emocións,

o sentir.

Iso, si é atreverse,

penetrar a intimidade,

tocala,

explorala.

Fusión,

de amantes esquivos

que se retan

cando se denudan.

Vulnerabilidade

agochada entre o pracer

de sentir a erupción

dos volcáns activos.