Conversas

Penso en ti.

No que calas,

no que dis en silencio,

no que os teus ollos confesan,

no que o teu sorriso confirma.

E quero transmitirche,

así, en silencio

que sinto o mesmo.

Que neste xélido inverno

as bolboretas rebolen

coma en pleno verán.

Que o tempo escápase

e sinto desacougo

ao deixalo marchar.

Que a veces pérdome

nas túas ventás

que abren ao mar.

Que sinto no peito

que o volcán durmido

está a espertar.

Que descubro momentos

que son a calma

no medio do temporal.

Que neste deserto

recoñezo oasis

nos que acampar.

Iso quero dicirche,

así, en silencio.