Agardo verte,
agardo oírte,
máis non neste intre.
Adoro á lúa,
escoito ó vento,
guíanme as estrelas
e o silencio.
As nubes esbozan
arte no ceo,
gozo do museo
en campo aberto.
Roxe o río,
retornou á vida,
a seca este ano
case lla quita.
Abrazo ás árbores,
brotando están,
despois do inverno
volven espertar.
Sinto a choiva
sobre a miña pel,
estas caricias
non mas da ninguén.
Só quero verme,
só quero oírme,
porque este
é o meu intre.
Pegadas na verea 